Dütt und datt up Platt

De Sünnenfall in Bämsen

Mutt ik nu Sünnenfall oder mit „d“ (Sündenfall) schtieben? Het je blot fast eene Million köst. Frag mik woveel Lüüd kaamt dorüm mehr na Bämsen?

Ik wander fast jeden Dag, ok in Kurpark dörch de Sünnenfall. Heff nich oft sehn dat de Lüüd dor in liegt, aber schon Lüüd de mit’n Kopp schüttelt, obwohl dat dor nich rinrägen deiht.

Düttjohr nu kriegt wie eene Ruine in Kurgorten. Wullt du Ruinen sehn, brukst nich mehr na Ägypten föhrn, geihst nan’n Hamborger Kranken- huus, sind nu Ruinen in de lüttgen Bünstörper Heide. An Möhlenweg is dat Hamborger Feriendörp affretten. Süht ut, as wenn dat Hügelgräber mit Ruinen ward.

In de Diabetisklinik staht de Dören apen, sall sik nu aber wedder wat rögen. „Etimex,“ alles to. De 2 Inköpscenter gegenöver von Kerkhoff sind dicht. Haverflocken Hahne, nix los. Schosteen von dat Standart- werk rookt nich mehr. De Dat Rote-Krütz-Heim, Ebstörper Straat, ward bald wat wiedergahn. Nu kriegt wie je de Ruine in Kurgorten. Dat Kurhaus mut affreten warn. As wie domals boot hebbt, sind wie losföhrt hebbt uns 6 Kurhüser ankeeken, üm keen Fehlers to maken. Uns Frag wär ümmer: „Was hettet ihr anders gemacht?“ Öwerall de Antwort: „In de Mitt von Kurhus gehört een Kursaal und de Köök. Ok empfahlen hebbt se, ne Kegelbahn to boon. Wär woll een Fehler, denn dor möß in Keller een waaderdichte Wann mit veel Stahlbeton, rin. Naturschützer, Landschaftspfleger hebbt je dorup mit Recht bestahn, niedrig to boon. Poor Meter von de Öberschwemmungs- linie wörn trüchömmen.

Hüt hebbt wie eenen Rat, de dat woll nich mehr beachten brukt. Nu entsteiht dor een Denkmal vör de veelen Schoösters. de dat in Bämsen gäw. Nu kummt in dat schöne Ilmenautal een hohen Schoh- karton mit Brettverschlag hen. Folgekosten vör ümmer, speelt keen Rull. Fragst du de Bämser Bürger mal, ik heff noch keenen hört, de dormit inverstahn is, seggt alle, schade!

Denk ümmer an dan Spruch, de in Uelzen an Huus steiht: „Bete und arbeite, und sei nicht faul, bezahl deine Steuern und halts Maul.“ Ok wenn de Lüüd seggt, dat ik old bin. Lat se ruhig seggen, ik hol mien Muul nich und wünsch de Stadt, dat de Kosten nich, wie bin Flughafen Berlin, de Oper in Hamborg, sik erhöht. „Prost Neejohr.“ Heet je: „Es möge nützen!“ Carl-Friedrich Bautsch lebt in Groß Hesebeck und ist Plattschnacker aus Leidenschaft.

Von Carl Friedrich Bautsch

Das könnte Sie auch interessieren

Kommentare